Xarici İşlər Nazirliyi (XİN) yüksək bilik və bacarığa, innovativ düşüncəyə və vətənə bağlılığa malik gənclərin bundan sonrakı dövrlərdə də dövlətin və xalqın rifahına, eləcə də ölkənin beynəlxalq aləmdəki nüfuzunun daha da möhkəmlənməsinə mühüm töhfələr verəcəyini bildirib.

Axar.az xəbər verir ki, bu barədə 12 avqust – Beynəlxalq Gənclər Günü münasibətilə XİN-in X sosial media hesabında paylaşım edilib.

"12 avqust – Beynəlxalq Gənclər Günü münasibətilə gənclərimizi səmimi qəlbdən təbrik edirik. Milli-mənəvi dəyərlərimizin qorunması, ölkəmizin davamlı inkişafı və müasir dövrün çağırışlarına cavab verən güclü Azərbaycan naminə nümayiş etdirdiyiniz fəallıq, təşəbbüskarlıq və əzmkarlıq böyük qürur hissi doğurur. Əminik ki, yüksək bilik və bacarığa, innovativ düşüncəyə və vətənə bağlılığa malik gənclərimiz bundan sonrakı dövrlərdə də dövlətimizin və xalqımızın rifahına, eləcə də ölkəmizin beynəlxalq aləmdəki nüfuzunun daha da möhkəmlənməsinə mühüm töhfələr verəcəklər", - paylaşımda qeyd olunub.