Bakıda avtobusla toqquşan minik maşını ağaca çırpılıb.

Fövqəladə Hallar Nazirliyindən Axar.az-a verilən məlumata görə, hadisə Xəzər rayonu, Mərdəkan qəsəbəsində qeydə alınıb.

“112” qaynar telefon xəttinə daxil olan məlumatla əlaqədar dərhal əraziyə FHN-in Xüsusi Riskli Xilasetmə Xidmətinin xilasediciləri cəlb edilib.

Hadisə yerində əməliyyat şəraiti qiymətləndirilərkən "Lada Qranta" markalı minik avtomobili və “Daevoo” markalı avtobusun iştirakı ilə yol-qəza hadisəsinin baş verdiyi və "Lada Qranta" markalı minik avtomobilinin idarəetməni itirərək ağaca çırpılması nəticəsində vətəndaşın deformasiyaya uğramış avtomobildə sıxılı vəziyyətdə qaldığı müəyyən olunub.

Xilasedicilər xüsusi xilasetmə vasitələrinin köməyi ilə avtomobildə sıxılı vəziyyətdə qalan sürücü, 41 yaşlı Elçin Qədim oğlu Qədimovu xilas edərək təcili tibbi yardım briqadasına təhvil veriblər.

Hadisə ilə əlaqədar müvafiq qurumlar tərəfindən araşdırma aparılır.