Ana səhifə Toplum |
Azərbaycan Dövlət Pedaqoji Universitetinin (ADPU) Tələbə Həmkarlar İttifaqı Komitəsinin təşəbbüsü və təşkilatçılığı ilə universitetin Böyük Akt zalında “ADPU Səs” mahnı müsabiqəsinin final mərhələsi keçirilib.
Bu haqda Axar.az-a ADPU-nun İctimaiyyətlə əlaqələr şöbəsindən məlumat verilib.
Final mərhələsində ADPU-nun rektoru, professor Cəfər Cəfərov, Elmi işlər üzrə prorektoru, professor Asəf Zamanov, Tərbiyə işləri üzrə prorektoru, professor Fikrət Rzayev də iştirak edib.
Gecə ADPU-nun nəzdində fəaliyyət göstərən xalq çalğı alətləri ansamblının “Qarabağ şikəstəsi”ni səsləndirməsi ilə başlayıb. Daha sonra tələbələr müxtəlif xalq mahnıları və müasir estrada mahnıları oxuyub, rəqs ediblər.
Sonda Tərbiyə işləri üzrə prorektor, professor Fikrət Rzayev, Azərbaycan və dünya ədəbiyyatı kafedrasının müdiri, professor Himalay Qasımov 2 nominasiya - milli və müasir musiqi nominasiyaları üzrə I, II, III yerləri tutan tələbələrə pul mükafatı və diplomları təqdim edib.
Tarix
2016.12.06 / 18:02
|
Müəllif
Faiq Balabəyli
|