Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
29 Sentyabr 2020


Bakıda məşhur şirkətin rəhbəri müflis oldu

Ana səhifə Toplum
12 Punto 14 Punto 16 Punto 18 Punto

“Çuda Peçka” mağazalar şəbəkəsi fəaliyyətini tamamilə dayandırıb.

Musavat.com xəbər verir ki, martın 1-də “Çudo Peçka”nın “Nəriman Nərimanov” metrostansiyasının yaxınlığında yerləşən mağazası da qapadılıb. Mağazada fəaliyyət göstərən işçilərə isə maaşları verilməyib.

Verilən məlumata görə, son günlər “Çudo Peçka”nın rəhbəri Anar Cəlilov şirkətin metronun “Nəriman Nərimanov” stansiyasının yaxınlığında yerləşən mağazasında otururmuş. İcarə haqqını verə bilmədikləri üçün şirkətin əsas ofisi də bir neçə gün öncə qapadılıbmış.

Məlumata görə, Anar Cəlilov son günlər maddi sıxıntılar içərisindəymiş. Bildirilir ki, o, hətta şəxsi ehtiyaclarını ödəməyə belə, pul tapmırmış. Anar Cəlilovun bütün mülklərinin girovda olduğu bildirilir. Aylardır ki, maaş ala bilməyən işçilər məhkəməyə müraciət etsələr də, heç bir nəticə yoxdur. Bildirilir ki, “Çudo Peçka”da çalışan əməkdaşların hər birinə Anar Cəlilovun borcu var. İşçilər maaşını tələb etdikdə isə, o, pulunun olmadığını söyləyir.

Əldə etdiyimiz məlumata görə, “Çudo Peçka”nın bağlanan mağazasının yerində yenidən şirniyyat yeri fəaliyyət göstərəcək. Lakin həmin obyektləri Türkiyə vətəndaşları işlədəcəklər.

Onu da qeyd edək ki, ötən il “Çudo Peçka” mağazalar şəbəkəsi məhkəmə qərarı ilə sabiq iqtisadi inkişaf naziri Heydər Babayevdən alınaraq, şirkətin qurucusu, iş adamı Çingiz Cəlilova qaytarılmışdı (Çingiz Cəlilov, şirkətin rəhbəri Anar Cəlilovun atasıdır).

Belə ki, “Çudo peçka” mağazalar şəbəkəsi 2000-ci ildə Çingiz Cəlilov tərəfindən yaradılıb. Ç.Cəlilov şəbəkəni qurmaq üçün “Bank Standart”dan götürdüyü 2.5 milyon dollar krediti qaytara bilmədiyinə görə kafe-mağazalarda tez-tez yoxlamalar aparılıb, cərimələr tətbiq edilib.

Yekun olaraq Ç.Cəlilov kredit borcunu qaytara bilməyib və MMC-yə daxil olan şəbəkələr “Bank Standart”ın girovluğunda qalıb. Bankın səhmlərinin böyük bir hissəsinin isə sabiq iqtisadi inkişaf naziri Heydər Babayevin olduğu bildirilir. Nəticə olaraq, “Çudo peçka” da son illərdə Heydər Babayevin biznes şəbəkəsinə aid edilirdi.

Mağazalar şəbəkəsi sahibinə qaytarıldıqdan sonra da problemlər düzəlmədi və xeyli sayda işçilər ixtisar olunub, bir neçə mağaza bağlanıldı. Bu ilin fevral ayında isə şəbəkənin “Əhmədli”, “Neftçilər” və “28 May” metrostansiyalarının yaxınlığında yerləşən mağazaları fəaliyyətini dayandırmışdı.

Qeyd edək ki, hazırda fəaliyyəti tamamilə dayandırılan “Çudo Peçka”nın bir zamanlar metronun “İnşaatçılar”, “İçərişəhər”, “Sahil”, “28 May”, “Nəriman Nərimanov”, “Qara Qarayev”, “Əhmədli” və “Neftçilər” stansiyalarının çıxışlarında da kafe-mağazaları fəaliyyət göstərib.

Tarix
2017.03.02 / 13:25
Müəllif
Axar.az
Şərhlər
Digər xəbərlər

Şirəliyev türkiyəli həmkarı ilə danışdı: Hər cür yardım...

Bir ailənin həlak olduğu evdən - Fotolar

Rezidenturaya müsabiqənin nəticələri açıqlandı

Serbiya KİV erməni təxribatından yazdı

Azərbaycan təyyarəsinin vurulması yalandır - MN

Səudiyyədən Qarabağ açıqlaması: Böyük narahatlıq...

Avropa mətbuatı erməni təcavüzündən yazdı

Ermənistan niyə mülki əhalini hədəf seçir - Səbəblər

"Azərkosmos"dan açıqlama: Vardenis-Ağdərə yolu...

Ombudsman ermənilərin vurduğu kəndlərə getdi

KULT
Xəbər xətti
 
yatsan
Axar.az'da reklam Bağla
Reklam
Bize yazin Bağla