Bakının Nərimanov rayonunda zəncirvari yol-nəqliyyat hadisəsi baş verib.

Report xəbər verir ki, hadisəyə "Mersedes" markalı avtomobilin sükanı arxasında olan Elnarə Məmmədovanın ara məsafəsi saxlamaması səbəb olub.

Azadlıq prospektində hərəkətdə olan QAZ-3110 markalı avtomobilin sürücüsü işıqforun qırmızı işığında qəfil əyləci basıb. Onun arxasınca gələn, Yusifov Rövşən adlı sürücünün idarə etdiyi "Dayvo" markalı taksi də zamanında əyləcdən istifadə edə bilib. Ancaq sonda gələn E.Məmmədova idarəetməni itirərək "Mersedes"lə qarşıdakı iki avtomobilə çırpılıb.

Qəza nəticəsində hər üç maşına ciddi ziyan dəyib.

Faktla bağlı Yol Patrul Xidmətinin əməkdaşları tərəfindən araşdırma aparılır.