Axar.az
Yuxarı

Xilaskar polisimiz vəzifə başında huşunu itirdi - Foto

Ana səhifə Toplum
12 Punto 14 Punto 16 Punto 18 Punto

Bakıda fədakarlıq göstərərək qadınların həyatını xilas edən polis vəzifə başında huşunu itirib.

DİN-dən Axar.az-a verilən məlumata görə, iyulun 3-dən 4-nə keçən gecə saat 3.30 radələrində Binəqədi rayonu Səttar Bəhlulzadə küçəsi 39 ünvanında məcburi köçkünlərin məskunlaşdığı beşmərtəbəli yataqxana tipli binada yanğın baş verib. Yanğın binanın bloklarından birinin 5-ci mərtəbəsində 4 mənzilini əhatə edib. Fövqəladə Hallar Nazirliyinin əməkdaşları yanğının söndürülməsi üçün müvafiq tədbirlər görüblər.

Binəqədi Rayon Polis İdarəsinin şəxsi heyəti dərhal həyəcan siqnalı ilə yanğın baş verən ünvana gəlib, rəhbərliyin göstərişi ilə orada yaşayan sakinlərin təxliyyə olunması və təhlükəsizlik tədbirlərinin görülməsi üçün zəruri tədbirlər görülüb, müvafiq postlar qoyulub.

Alovun daha da gücləndiyi vaxtda həmin mərtəbədəki mənzillərdən birində 2 qadının köməksiz vəziyyətdə qalması polis əməkdaşlarının gözündən yayınmayıb. Post-Patrul Xidməti Bölüyünün polis nəfəri, polis kiçik serjantı Əkrəm Dərxot dərhal qatı tüstünün bürüdüyü pilləkənlərlə qalxaraq özünü onların köməyinə çatdırıb. Qadınların tüstüdən boğulmaması üçün aşağıdan özü ilə götürdüyü isladılmış dəsmalla onların tənəffüs orqanlarını bağlayıb, ikisini də çiyninə alaraq çətinliklə olsa da aşağı çatdıra bilib.

Tüstüdən xilas olan qadınlardan birinin vəziyyəti daha da ağırlaşıb. Astma xəstəliyindən əziyyət çəkən həmin qadının dərmanı (aerozol) evdə qaldığı üçün Ə.Dərxot ikinci dəfə həmin mənzilə qalxıb və dərmanı gətirib. Lakin dərmanı qadına verən anda o özü huşunu itirib.

Dərhal Təcili Tibbi Yardım maşını ilə Ə.Dərxot Respublika Toksikologiya Mərkəzinə çatdırılıb, ilkin tibbi yardım göstərildikdən sonra DİN-in A.Heydərov adına Respublika Hospitalına yerləşdirilib. Onun həyatı təhlükəsi aradan qaldırılıb, müalicəyə ehtiyacı olduğu bildirilsə də, növbəti gün Ə.Dərxot öz istəyi ilə yenidən xidmət başına qayıdıb.

Tarix
2017.07.08 / 14:20
Müəllif
Axar.az
Şərhlər
Digər xəbərlər

"Xolesterin həqiqəti" kitabı Azərbaycan dilində...

"Snayper həddi"nin açılış mərasimi keçirildi - Foto

Hərbçilərimiz dənizdə çətin tapşırıqları icra etdilər

İranlı nümayəndələr Füzuli və Xocavənddə - Foto

ETSN-in 300 əməkdaşı səfərbər olundu

Şimal zonasında yanğın nəzarətə götürüldü

Nazir bu ərazilərə helikopterlə baxış keçirdi - Video

Sabiq nazir müavininə vəzifə verildi

Sülhməramlılar keşik çəkir: evini yandıran ermənilər...

Etibar Mirzəyev: 4 min hektar meşə sahəsi yandı

KULT
<>
Xəbər xətti
Axar.az'da reklam Bağla
Reklam
Bize yazin Bağla