Tanınmış aparıcı Şəbnəm Hümbətova Space televiziyasındakı faəliyyətinə son verib.

"Hər gün" xəbərlər departamentində aparıcı çalışan Şəbnəm Hümbətova artıq özünü yeni layihələrdə sınamaq istədiyini bildirib: "Yenilik vaxtı çoxdan çatıb. Harada necə mən də hələki bilmirəm. Baxaq görək, qarşımıza həyat nəyi çıxardacaq. Əsas odur ki, kollektiv arasında sevgilərini qazandım, hörmətini qazandım, ən azından mən belə zənn edirəm".

Qeyd edək ki, Şəbnəm Hümbətova 2009-cu ilin avqust ayından bu günə kimi Space televiziyasında "Hər gün" xəbərlər departamentində aparıcı-müxbir vəzifəsində işləyir.

Azvision.az