Azərbaycanlı jurnalistlər Türkiyənin paytaxtı Ankara şəhərində Azərbaycan Respublikası Silahlı Qüvvələrinin yaranmasının 96-cı ildönümünü qeyd edib.

Axar.az xəbər verir ki, Ankara şəhərində yerləşən Anadolu Agentiliyinin Xəbər Akademiyasında təlim keçən azərbaycanlı jurnalistlər əvvəlcə təlimçilərə bu günün tarixi barədə məlumat verib, daha sonra elə dərs keçdikləri otaqda Azərbaycan Respublikasının dövlət himnini oxuyiblar. Təlimdə iştirak AzərTac, "Trend", APA, "Olaylar" agentliklərinin, Axar.az, Modern.az, Mediaforum.az, Qhtxeber.az, İslamaz.info saytlarının, "Kaspi", Şərq" qəzetlərinin, Səs TV, APA TV və digər KİV-lərdən olan 20-dək media nümayəndə AzərTac-ın əməkdaşı Cəvani Ağayevin hazırladığı viedo-çarxı izləyib.

Xatırladaq ki, Azərbaycan Xalq Cümhuriyyəti hökumətinin qərarı ilə 1918-ci il iyunun 26-da ilk hərbi hissə - əlahiddə korpus yaranıb. Azərbaycan Prezidenti Heydər Əliyevin 1998-ci il 22 may tarixli fərmanı ilə AXC hökumətinin ilk hərbi hissəni təsis etdiyi gün - 26 iyun Azərbaycan Silahlı Qüvvələr günü kimi qeyd olunur.