Fotoreportyor və blogger Mehman Hüseynov yeni layihəyə başlayıb.

Bu barədə Axar.az-a bloggerin özü məlumat verib.

Layihə "Humans of Azerbaijan" adlanır. Fotoreportyor Feysbuk sosial şəbəkəsində açdığı "Humans of Azerbaijan" səhifəsində Azərbaycanın insanları haqqında qısa bilgi və foto təqdim edəcək.

Qeyd edək ki, səhifə artıq iki gündür işləyir və bir neçə şəxs haqqında məlumat verilib. Səhifədə hamilə və bir yaşına qədər körpəsi olan qadınlara pulsuz xidmət göstərən taksi sürücüsü, hər yerə "samokat"la gedən 60 yaşlı Hüseyn Hüseynov və sair insanlar haqqında məlumat verilib. Səhifə açılan ilk gündən insanların böyük marağına səbəb olub.

Onu da qeyd edək ki, belə layihə dünyanın bir çox ölkəsində var.

https://www.facebook.com/humansofazerbaijan1