Ötən ayın əvvəllərindən etibarən "Aznews.az" xəbər saytına qarşı fasilələrlə başlayan haker hücumu son iki gündə intensivləşib. Nəticədə saytın fəaliyyətində ciddi problemlər yaranıb.

Axar.az xəbər verir ki, portalın bu barədə yaydığı məlumatda hələlik heç bir baza itkisi ilə üzləşmədikləri qeyd olunur.

Saytın texniki heyəti bu problemlərin aradan qaldırılması ilə bağlı işlər həyata keçirir. Hücum edənlər saytın trafikini kilidləməklə girişə əngəllər törədirlər. Ona görə də bir çox ölkələrdən sayta giriş məhdudlaşdırılıb.

Xatırladaq ki, saytın Baş redaktoru Elçin Zahiroğludur. O, müğənni Mətanət İsgəndərlinin iddiası ilə xüsusi ittiham qaydasında məhkəməyə də cəlb edilib. M.İsgəndərli jurnalistin həbs olunmasını tələb edir.

Proses Nərimanov Məhkəməsində, Turqay Hüseynovun sədrliyi ilə aparılır.