"Bəzən brokonyerlər və qanunsuz ovla məşğul olanlar onlara qarşı tədbirlərin görülməsinə əngəl yaradır, nazirliyin əməkdaşlarını şərləyirlər".

Axar.az xəbər verir ki, bu sözləri qanunsuz ov və brokonyerliyə qarşı mübarizə ilə bağlı görülən tədbirlər barədə mediaya açıqlamasında Ekologiya və Təbii Sərvətlər naziri Hüseynqulu Bağırov deyib. Nazirin sözlərinə görə, bu kimi hallara qarşı mübarizədə jurnalistlər də yardım etməlidirlər:

"Qanuni tələblərdən yayınmaq üçün, məsələn, nazirlik əməkdaşının guya içkili olduğu, ona qarşı kobud davranması və s. kimi iddialarla çıxış edirlər. Jurnalistlərdən xahiş edərdim ki, bu kimi hallarda araşdırma aparsınlar, insidenti aydınlaşdırsınlar və hadisəni olduğu kimi ictimaiyyətə çatdırsınlar. Bu, bizim işimizə böyük dəstək olar və bu istiqamətdə jurnalistlərdən kömək etmələrini istəyirik".