Paytaxt Bakıda mərkəzi küçələri, magistral yolları zibilləmək üçün cərimə nəzərdə tutulsa da, çox vaxt sürücülər buna əməl etmir. Sosial şəbəkədə bir istifadəçinin yaydığı görüntü də bunu təsdiq edir.

Axar.az xəbər verir ki, yayılan videoda mərkəzi küçələrdən biri ilə hərəkət edən avtomobilin yol boyu küçəni zibillədiyinin şahidi oluruq. Hadisə arxadan hərəkət edən avtomobilin kamerasına düşüb.

Olay noyabr ayının 19-da Yasamal rayonu ərazisində baş verib. “Azsamand” markalı avtomobildə olan sürücü və sərnişin sanki bir-birinin bəhsinə giriblər: cəmi bir neçə dəqiqə ərzində maşından küçəyə 3 zibil atırlar.

Qeyd edək ki, magistral yolları zibilləyən sürücülər İnzibati Xətalar Məcəlləsinə əsasən 40 manat, sərnişinlər isə 30 manat cərimə edilir.