"Azərbaycan–Avropa Gənclərinin Əməkdaşlığı" İctimai Birliyi növbəti layihəsinə start verib.

Axar.az xəbər verir ki, layihə Azərbaycan Respublikası Prezidenti yanında Gənclər Fondunun maliyyə dəstəyi ilə Şəki, Mingəçevir, Qəbələ, Quba, Lənkəran və həmçinin Gəncə şəhərlərində həyata keçirilir.

Layihənin əsas məqsədi gəncləri ictimai fəaliyyətə cəlb etmək, müxtəlif könüllük fəaliyyətinə dəstək, yerli və beynəlxalq tədbirlərdə yaxından iştirak etmək, onların müxtəlif istiqamətlərdə bilik və bacarıqlarının artırılmasını təmin etməkdir.

Layihə çərçivəsində ilk görüş Gəncə və Mingəçevir şəhərlərində baş tutub. Müxtəlif mövzular üzrə keçən diskussiyalarda gəncləri maraqlandıran suallara cavab verilib.

Qeyd edək ki, layihənin növbəti görüşlərinin Şəki və Qəbələ şəhərlərində keçirilməsi planlaşdırılır.