Ötən gün Mingəçevir şəhərində sərnişin mikroavtobusunun aşması nəticəsində yaralanan şəxslərdən biri jurnalistdir.

Axar.az xəbər verir ki, şəhərin Təbriz küçəsində baş vermiş qəzada yaralananlardan biri Fakt İnformasiya Agentliyinin əməkdaşı Yaşar Nuriyevdir. Jurnalistə Mingəçevir şəhər Mərkəzi Xəstəxanasında qabırğaların sınığı və kəllə-beyin travması diaqnozu qoyulub.

Məlumata görə, Y.Nuriyevin vəziyyəti ağırdır. O, bu gün səhər saatlarında Bərdə rayon xəstəxanasına yerləşdirilib.

Qeyd edək ki, 21 may tarixində Mingəçevirdə sərnişin daşıyan 7 nömrəli marşrut avtobusu “Niva” markalı avtomobillə toqquşaraq aşıb. Nəticədə mikroavtobusda olan 5 sərnişin müxtəlif dərəcəli xəsarətlər alıb.