Bakının Sabunçu rayonunda 6 nəfərin ölümü ilə nəticələnən dəhşətli yol-nəqliyyat hadisəsi baş verib. Ölənlərdən birinin azyaşlı olduğu bildirilir.

Apa-nın verdiyi xəbərə görə, qəza Sabunçu rayonunun Zabrat qəsəbəsi ərazisində qeydə alınıb. "Mercedes" markalı avtomobilin "VAZ-2106" markalı avtomobillə toqquşması nəticəsində 6 nəfər ölüb, 2 nəfər yaralanıb.

Hər 2 yaralı 3 saylı şəhər xəstəxananın reanimasiya şöbəsinə yerləşdirilib. Şəxsiyyəti məlum olmayan yaralının vəziyyətinin olduqca ağır olduğu bildirilir. Digərinin isə Nizami Gülməmmədov olduğu bildirilib.

Məlumata görə, ölənlərin hamısı "VAZ-2106" markalı avtomobildə olublar. "Mercedes"in sürücüsü ağır xəsarət alaraq xəstəxanaya yerləşdirilib.

Ölən və xəsarət alan şəxslərin kimliyi müəyyənləşdirilir. Faktla bağlı araşdırma aparılır.