Həbsdə olan qardaşına bıçaq gətirən şəxs saxlanılıb.

Axar.az xəbər verir ki, Ədliyyə Nazirliyinin Penitensiar xidmət əməkdaşları tərəfindən həyata keçirilmiş axtarış-baxış tədbirləri nəticəsində 11 saylı Cəzaçəkmə Müəssisəsinə qadağan olunmuş əşya keçirmək cəhdinin qarşısı alınıb.

Cinayət Məcəlləsinin 234.3 maddəsinə əsasən azadlıqdan məhrum edilmiş məhkum Müşfiq Ədalət oğlu İsayevin yanına qısamüddətli görüşə gəlmiş qardaşı Cavid Ədalət oğlu İsayevin görüş otağında üzərinə və əşyalarına baxış keçirilib. Baxış zamanı C.İsayevin əynində olan şalvarın arxa cibindən zavod üsulu ilə hazırlanmış 1 ədəd bıçaq aşkar edilərək götürülüb.

Fakt üzrə araşdırma aparılır.