10:30

Qızın atasının Şəkidə bir neçə ticarət obyektləri, torpaq sahələri var.

Ötən gün günorta saatlarında başı kəsilən 20 yaşlı Günel Etibar qızı Nuriyevanın ailəsi Şəkidə sayılıb-seçilən ailələrdən biridir.

ANS-in məlumatına görə, Etibar Nuriyev tanınmış biznesmendir.

Etibar Nuriyevin Şəkidə bir neçə ticarət obyekti, torpaq sahəsi var. Ailənin 3 qız övladı var. Qizlardan ikisi əkizdir. Qətlə yetirilən Günel Nuriyeva isə ailənin böyük qızıdır.

Qeyd edək ki, hadisə Xudu Məmmədov küçəsi 18 ünvanında qeydə alınıb. Həmin ünvanda bacıları ilə birlikdə yaşayan 20 yaşlı Günel Etibar qızı Nuriyevanın başı kəsilmiş meyiti tapılıb. G.Nuriyevanın meyitini onun bacıları günorta saatlarında evə gələrkən aşkarlayıb.

Qətlə yetirilən G.Nuriyeva Bakıda fəaliyyət göstərən musiqi məktəblərindən birinin ikinci kursunda oxuyurmuş.

***

10:37

Xətai Rayon Polis İdarəsindən APA-ya verilən məlumata görə, həyata keçirilən araşdırmalar zamanı Günel Etibar qızı Nuriyevanın bacısı Pərvanə Nuriyeva tərəfindən qətlə yetirildiyi müəyyən edilib.

Hadisəni törədən P.Nuriyeva saxlanılıb. Hazırda hadisənin baş vermə səbəbləri araşdırılır.

Faktla bağlı cinayət işi başlanıb, istintaq tədbirləri davam etdirilir.

Lent.az isə məlumat yayıb ki, P.Nuriyeva ilkin ifadəsində bacısının cinsi azlıq nümayəndəsi olmasından şübhələndiyini bildirib. O, kiçik bacısından bu əməllərinə son qoymasını tələb edib. Lakin musiqi məktəbinin piano sinfinin tələbəsi olan Günel Nuriyeva bacısının xəbərdarlığına məhəl qoymayıb və onlar arasında münaqişə yaranıb. Münaqişə zəminində P.Nuriyeva bacısını bıçaqlayıb, daha sonra isə boğazını kəsərək öldürüb.