Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
20 Sentyabr 2019


Bakıda unikal piyada keçidi belə olacaq - Foto

Ana səhifə Toplum
12 Punto 14 Punto 16 Punto 18 Punto

Xətai rayonunun “Ukrayna dairəsi” adlanan ərazisində unikal görünüşlü piyada keçidi inşa edilir. Ümumi uzunluğu 76 metr olacaq keçid Bakıda ilk dəfə olaraq şüşə materialla üzlənəcək. Burada həmçinin fiziki qüsurlu şəxslərin rahat gediş-gəlişi üçün panduslar da quraşdırılacaq.

Hər kəsin marağına səbəb olan keçidin nə vaxt istifadəyə veriləcəyi hələlik məlum deyil.

Hazırda da davam edən işlərlə bağlı Axar.az-a açıqlama verən Azərbaycan Avtomobil Yolları Dövlət Agentliyinin mətbuat katibi Anar Nəcəfli bildirib ki, yerüstü piyada keçidində hər hansı bir eskalator, lift və ya digər buna bənzər avadanlıq quraşdırılmayacaq. Keçid pilləkənli olacaq:

“Piyada keçidlərində beynəlxalq təcrübədə belədir ki, hansısa eskalator, lift quraşdırılmır. Türkiyədə və digər xarici ölkələrdə də piyada keçidlərində eskalator və digər bu kimi avadanlıqlar olmur. Bizdə də elə olacaq. Sadəcə olaraq, normal pilləkənlər tikilir. İnsanların bu pilləkənlərdən istifadə etmələri həm də onların sağlamlıqları üçün əlverişlidir.

Ancaq fiziki məhdudiyyətli insanların hərəkəti nəzərə alınıb. Onların hərəkəti üçün müəyyən tədbir də nəzərdə tutulub ki, keçiddən istifadə edərkən problem yaşamasınlar”.

A.Nəcəfli bildirib ki, sözügedən ərazilərdə bu keçidin inşası zərurəti yaranmışdı:

“Məlumat üçün deyim ki, Məhəmməd Hadi küçəsi, Neapol dairəsi və Neapol küçəsi yenidən qurulub. Hazırda isə Mehmandarov prospektində yenidənqurma işləri aparılır. Bu işlərlə bağlı kompleks tədbirlər görülür. Yəni bir küçə təmir edilir, digər küçə də ona birləşdirilir. Ukrayna dairəsi ərazisində də insanlar yolu sağa-sola keçirdilər. Bu, onların həyatı üçün təhlükəli idi. Ona görə də görülən işlər çərçivəsində ərazidə yerüstü piyada keçidinin də inşası həyata keçirilir”.

Tarix
2019.09.10 / 14:02
Müəllif
Nigar İxtiyarqızı
Şərhlər
Digər xəbərlər

"Sosial şəbəkələrdə söyüş, təhqir və böhtan..." - Canlı

Ordumuzun təlimləri: Döyüş atışlı əsas mərhə icra olundu

General 5 nəfərə vəzifə verdi

Generallar Etimad İsmayılovun yas mərasimində

Bu rayonların qazı kəsildi

Polkovnikin ailəsindən Prezidentə: Qanını yerdə qoymayın!

Bakıda Ermənistan məhsulu: "Bazarstor"dan açıqlama - Foto

Fuad Qəhrəmanlının ikinci qızı bacısını dəstəklədi

Baş nazirdən yeni qərar

Zümrüd Yağmurdan qızının atası barədə dediklərinə - Reaksiya

KULT
<>
Xəbər xətti
 
e-vetendash
Axar.az'da reklam Bağla
Reklam
Bize yazin Bağla