Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
22 Oktyabr 2019


Hamını birləşdirən hərəkat yarana bilər

Ana səhifə Toplum
12 Punto 14 Punto 16 Punto 18 Punto

Baş nazirin müavini, hakim Yeni Azərbaycan Partiyasının (YAP) sədr müavini-İcra katibi Əli Əhmədov “Qarabağ Azərbaycandır!” Hərəkatının yaradılmasını təklif edib. Əli Əhmədov bildirib ki, Prezidentin Soçi şəhərində keçirilən “Valday” Beynəlxalq Diskussiya Klubunda səsləndirdiyi “Qarabağ Azərbaycandır!” mesajı gündəmin əsaslı surətdə dəyişməsinə səbəb olub.

Mövzu ilə bağlı Axar.az-a açıqlama verən millət vəkili Aqil Abbas bildirib ki, bu gün Azərbaycanda həqiqətən də belə hərəkata ehtiyac var və yaradılmalıdır:

“Qarabağın adı ilə bağlı nə varsa, mən hamısında iştirak etməyə hazıram. Əli Əhmədovun bu fikrini dəstəkləyirəm və hər zaman da dəstək göstərməyə hazıram. Hesab edirəm ki, böyüklü-kiçikli, qadınlı-kişili, qocalı-cavanlı hamı bu yolda birləşməli, bu hərəkata qoşulmalıdır. 1988-ci ildə necə Xalq Cəbhəsində hamı birləşmişdi, burada da həmin birlik olacaq. Hamımız sözü bir yerə qoyub birləşə bilərik. Onsuz da hamımızın Qarabağla bağlı amalı, arzusu birdir. Hesab edirəm ki, belə hərəkat baş tutsa, torpaqlarımızın azadlığı uğrunda da çox işlər görə bilərik”.

Azərbaycanın Milli Qəhrəmanı, şəhid polkovnik Şirin Mirzəyevin həyat yoldaşı, deputat Flora Qasımova da bildirib ki, bu hərəkat nəinki yaradılmalıdır, hətta kecikirik:

“Mən “Qarabağ Azərbaycandır!” Hərəkatı yaradılmasının həm tərəfdarı, həm də dəstəkçisiyəm. Çox təəssüf edirəm ki, biz belə məsələlərdə çox gecikirik. Bu gün ermənilər Qarabağ üçün bizdən daha çox iş görürlər, daha fəaldırlar. Mütləq gəncləri bu hərəkata qoşmaq lazımdır. Bu, təkcə Azərbaycanda yaşayan azərbaycanlılara aid olmamalıdır. Görürsünüzmü, ermənilər bir balaca ölkədir, hər yerdən çıxırlar. Qarabağ üçün təkcə Ermənistandakı ermənilər deyil, xaricdə yaşayan ermənilər də nə isə edir, hərəkat halında birləşir. Bizim gənclər də belə etməlidir. Harada yaşamasından, ideya və fikirlərindən, iqtidar, ya müxalif fikirli olmasından asılı olmayaraq, Qarabağ məsələsində hamı eyni fikirdə olduğu üçün bu hərəkat bizi birləşdirə bilər”.

Tarix
2019.10.10 / 14:51
Müəllif
Nigar İxtiyarqızı
Şərhlər
Digər xəbərlər

İstanbul Konvensiyasına qoşulmalıyıq – Millət vəkili

Azərbaycanda heyvan ətinin satışı ilə bağlı yeni - Qərar

Yeniyetmələr qumar oyunlarına meyil edir - Paşayeva

Şahin Mustafayevdən prezidentə: Sizi əmin edirəm ki...

Bu uğurlarla kifayətlənməməliyik - İlham Əliyev

AMEA prezidenti istefa verir – Sabah seçkidir

Azərbaycanda hansı yol pullu olacaq? - Açıqlama

Sabah bu rayonda qaz olmayacaq

Vladimir Vasilyevdən İlham Əliyevə məktub

Bu müəssisələrlə bağlı cinayət işi başlandı - Rəsmi

KULT
<>
Xəbər xətti
 
Axar.az'da reklam Bağla
Reklam
Bize yazin Bağla