Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
14 Dekabr 2019


Bu ərazilərdə telekommunikasiya xətləri yenilənir - Foto

Ana səhifə Toplum
12 Punto 14 Punto 16 Punto 18 Punto

Saray qəsəbəsi, Atyalı Nübar qəsəbəsi, Novxanı bağları, Goradil, Məhəmmədli, Qobustan kəndi, Çaylı, Pirəküşkül, Aşağı və Yuxarı Güzdək kəndlərində, Sulutəpə qəsəbəsi Xocahəsən yaşayış massivi, digər kəndlər və yeni yaşayış massivləri də daxil olmaqla Abşeron Telekommunikasiya Qovşağının xidməti ərazisində telekommunikasiya infrastrukturu yenidən qurulur.

Nəqliyyat, Rabitə və Yüksək Texnologiyalar Nazirliyindən Axar.az-a bildirilib ki, qurumun tabeliyində olan “Aztelekom” Məhdud Məsuliyyətli Cəmiyyəti regionlarda informasiya- kommunikasiya texnologiyalarının inkişafı, infrastrukturun yenidən qurularaq təkmilləşdirilməsi, xidmətlərə olan tələbatın ödənilməsi məqsədilə bir sıra layihələr həyata keçirir. Bu layihələr çərçivəsində beynəlxalq standartlara uyğun yüksək keyfiyyətli və rəqabətə davamlı texnologiyalara əsaslanan avadanlıqların tətbiqi nəzərdə tutulur.

Genişzolaqlı infrastrukturun yenidən qurulması və nəticədə xidmətlərin keyfiyyətinin daha da yüksəldilməsi istiqamətində görülən planlı işlər ilkin mərhələdə bir neçə regionu əhatə edir. Hazırda Abşeron rayonu üzrə layihə çərçivəsində işlər artıq yekunlaşmaq üzrədir.

Qovşağın xidmət ərazisi üzrə 50 ədəd ONU (Çöl tipli Elektron ATS) avadanlığının qurulması üçün işlər başa çatdırılıb. Quraşdırılan avadanlıqların 80 faizi artıq istifadəyə verilib. GPON layihəsinin həyata keçirilməsi üçün kabel-kanal qurğuları tikilir. Ümumilikdə ONU və GPON layihəsi üçün 65 min metrə yaxın birləşdirici fiber-optik kabelləri çəkilib.

Uzaq məsafədə yerləşən paylayıcı şkaflardakı on üç minə yaxın abunəçiyə yeni quraşdırılan ONU avadanlığından xidmət göstəriləcək. Bu da öz növbəsində internetin keyfiyyətinin nəzərəçarpacaq dərəcədə yüksəldilməsinə səbəb olacaq.

Abşeron rayonunun mərkəzi və yeni yaşayış massivlərinin telefona olan tələbatı nəzərə alınaraq GPON (Gigabit Passive Optical Network) layihəsi hazırlanıb. Layihə əsasında Mehdiabad qəsəbəsində yeni tikilmiş həyət evləri üçün Optik paylayıcı şkaf quraşdırılaraq 600 abunəlik daxili xətt şəbəkəsi üçün 8000 metrə yaxın müxtəlif tutumlu fiber-optik kabel çəkilib. Hazırda vətəndaşlara internet və telefon xidməti göstərilir.

İlk növbədə xidmətə daha çox tələbat olan ərazilərdə yeni avadanlıqların quraşdırılması həyata keçirilir. Belə ki, Xırdalan şəhəri H.Əliyev prospektində 1 ədəd OPŞ quraşdırılaraq “1 May yaşayış massivi”nə (həyət evlərinə) və çoxmərtəbəli yeni yaşayış binalarına daxili xətt şəbəkəsi tikilməklə 3000-ə yaxın mənzilə xidmət göstəriləcək.

Tarix
2019.11.22 / 16:32
Müəllif
Büllurə Yunus
Şərhlər
Digər xəbərlər

16 yaşlı Reyhandan daha bir uğur

Bu mallar gömrük rüsumundan azad edildi

Firudin Cəlilov Əli Kərimliyə ağır sözlər dedi – Video

Heydər Əliyev irsi etibarlı əllərdədir - Senator

İlham Əliyev Boris Consonu təbrik etdi

Çalışın bunu da edək ki, daha çox pul qazanaq - Prezident

Xəzərdə ən böyük donanmaya malikik - İlham Əliyev

"Laçın" istismara verildi: Prezident mərasimdə - Foto

"Nar"dan fırıldaqçı saytla bağlı - Xəbərdarlıq

Alimimiz Moskvada beynəlxalq tədbirdə

KULT
<>
Xəbər xətti
 
  
  
  
  
Axar.az'da reklam Bağla
Reklam
Bize yazin Bağla