Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
10 Aprel 2020


11 azərbaycanlı namizəd 1 namizəd ətrafında birləşdi

Ana səhifə Toplum
12 Punto 14 Punto 16 Punto 18 Punto

Fevralın 21-i İranda keçiriləcək parlament seçkilərinə Sulduz şəhərindən namizəd olan azərbaycanlıların sayının 12-yə çatması şəhər ziyalıları arasında narahatlıq doğurub.

Bu sözləri Axar.az-a açıqlamasında milli-mədəni fəal Nadir Sulduzlu deyib. O bildirib ki, namizədlərin sayı çox olarsa, azərbaycanlılar seçkidə lazımi səsi toplamaya bilər:

“Hər kəs anlayırdı ki, 10-11 namizəd olarsa, azərbaycanlı namizəd məclisə getmək üçün yetərli sayda səs toplaya bilməyəcək, səslər bölünəcək. Bu səbəbdən Sulduzun ağsaqqalları və ziyalıları birlik yaradaraq toplantılar keçirdilər. Toplantılar çərçivəsində namizədlərlə danışıqlar aparıldı. Nəhayət, birliyin sonuncu iclasında namizədlər aralarından birinin namizədliyini irəli sürməyə, digərlərinin isə geri çəkilməsinə qərar verdilər. Qərara əsasən, Əli Zəncaninin namizədliyi irəli sürüldü”.

Fəal vurğulayıb ki, şəhərin qeyri-azərbaycanlı əhalisi arasında birlik var:

“Onların önündə durmaq, Məclisə azərbaycanlı namizədimizi göndərmək üçün bu birliyin yaradılması mütləq idi. Səbəb isə kürd namizədin 8 il boyunca məclisdə Sulduzu kürdləşdirməyə çalışmasıdır. Buna görə istəyirik ki, azərbaycanlı (türk) namizədimizi qalib edək və bu şəxs vasitəsilə Sulduzun Azərbaycan türklərinin olduğunu hər kəsə çatdıraq. İran məclisində 290 nəfər nümayəndədən yalnız biri Sulduzu təmsil edir. Sulduz deyərkən burada Sulduz-Üçnəviyə-Mohəmmədyar-Nalos adlanan 4 məntəqədən söhbət gedir”.

O bildirib ki, Sulduzda 1980-ci ildə Azərbaycan türklərilə kürdlər arasında qarşıdurmaya görə bu seçkilər bölgə üçün siyasi missiyaya çevrilib:

“Sulduzda 1980-ci ildə türklərlə kürdlər arasında qarşıdurma baş verdi. O vaxtdan bəri türklərlə kürdlər arasında bu dava davam edir. Bu səbəbdən də sözügedən seçkilər çox mühüm əhəmiyyət kəsb edir”.

Qeyd edək ki, fevralın 21-də İranda parlament seçkiləri keçiriləcək.

Tarix
2020.02.17 / 18:18
Müəllif
Aytac Araz
Şərhlər
Digər xəbərlər

Karantin rejimi: Qazax və Tovuzda 139 nəfər...

Bu maskalar sizi xəstəliyə yoluxdura bilər - Video

Polis rəisinin müavini xidməti maşınla qəza törətdi

Karantin postunu maşını ilə qıran iş adamının – Fotoları

Heydər Əliyev Mərkəzindən Rusiyaya dəstək - Video

Bu QHT 20 ailənin bir aylıq təminatını üzərinə götürdü

Bakıda yollar boşaldı, avtoşluq başladı – Ekspert

Göyçayda bu market ərzağı pulsuz etdi - Foto

Proses başladı: 10 min işsizə ödəmə edildi

Korona xəstəsi: Öskürəndə sevinirsən ki... – Video

KULT
<>
Xəbər xətti
 
  
  
  
  
yatsan
Axar.az'da reklam Bağla
Reklam
Bize yazin Bağla