Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
25 Sentyabr 2020


Üç tələbənin zəhərlənməsi: İstintaqı kim ləngidir?

Ana səhifə Toplum
12 Punto 14 Punto 16 Punto 18 Punto

Azərbaycanda Məhkəmə Tibbi Ekspertiza və Patoloji Anatomiya Birliyi Bakı Dövlət Universitetinin (BDU) üç tələbəsinin zəhərlənməsi və onlardan birinin ölümü ilə nəticələnən hadisə barədə istintaqı ləngidir.

Bu sözləri Axar.az-a açıqlamasında tanınmış vəkil Türkel Süleymanlı deyib. Vəkilin sözlərinə görə, bu yolla tibbi ekspertlər istintaqın işini iflic edib:

“Bu, qanun pozuntusudur, çünki kimyəvi ekspertiza üçün maksimum bir ay vaxt verilir. Kimyəvi ekspertiza ilə yanaşı histoloji ekspertiza da aparılır. Lakin yenə də müddət bir ayı keçməməlidir. Ekspertlər vaxtı uzatmaqla nə istədikləri bəlli deyil. Onların bütün fəaliyyətləri səhlənkarlıq etdiklərini göstərir və bu, çox şübhəlidir. Qız nə xəstəlikdən, nə də virusdan ölüb. Ekspertlər bizi əmin etdilər ki, Azərbaycanda bu növ tədqiqatın aparılması üçün bütün imkanlar mövcuddur. Bəs onda nəticələr niyə açıqlanmır?”

Xatırladaq ki, 2019-cu il noyabrın 21-də universitetin Yasamal rayonu, Mətbuat prospektində yerləşən yataqxanasında tələbələr Şəkər Xasmətova (1999-cu il təvəllüdlü), Dilrubə Quliyeva və Həmidə İbadova (1998-ci il təvəllüdlü) zəhərlənib. Həkimlər Ş.Xasmətovanın yataqxanada öldüyünü müəyyən ediblər, digər iki qız isə ağır vəziyyətdə 1 saylı Kliniki Tibbi Mərkəzə gətirilib, bir neçə gündən sonra isə evə buraxılıblar. Hüquq-mühafizə orqanları əvvəlcə tələbənin qida zəhərlənməsi nəticəsində öldüyünü ehtimal ediblər. Lakin cəsədin patoloq-anatomlar tərəfindən müayinəsindən sonra faktla bağlı yaradılan əməliyyat-istintaq qrupu qızların hələ də bilinməyən toksik maddə ilə zəhərləndiyi qənaətinə gəliblər. Bununla əlaqədar olaraq, Azərbaycan Respublikası Cinayət Məcəlləsinin 314.2-ci (ehtiyatsızlıqdan zərərçəkmiş şəxsin ölümü və ya digər ağır nəticələrə səbəb olduqda) maddəsi ilə cinayət işi başlanıb. Zəhərlənmənin səbəblərini və digər halları aydınlaşdırmaq üçün müvafiq ekspertizalar təyin edilib. 100 gündən çox vaxt keçsə də, faktla bağlı məhkəmə tibbi ekspertizanın rəyi hələ hazır deyil.

Tarix
2020.02.29 / 08:30
Müəllif
Əli Məmmədov
Şərhlər
Digər xəbərlər

Bu nazirliyin 26 işçisi koronaya yoluxdu, 1-i öldü

Əli Əsədov sərəncam imzaladı

Daha 13 şagird koronaya yoluxdu

Toylara icazə verilsə... - AQTA-dan açıqlama

Ölkəmizdə koronaya yoluxanların sayı açıqlandı

Keçid balının 81 olması iddiasına aydınlıq gətirildi

Siyavuş Novruzovun qardaşının vəzifəsi kiçildildi

“Cənnət bağı”nda ağac kəsildi, cinayət işi başladı

İpoteka problemləri: İşçi qrupu toplandı

Sabahın havası: yağış, dolu...

KULT
<>
Xəbər xətti
 
yatsan
Axar.az'da reklam Bağla
Reklam
Bize yazin Bağla