İşçinin günahı olmadan hər hansı bir fasilə yaranarsa, həmin müddət üçün əmək haqqının ödənilməsi Azərbaycan qanunvericiliyində nəzərdə tutulub.

Axar.az xəbər verir ki, bunu Təhsil naziri Ceyhun Bayramov AzTV-nin efirində koronavirus təhlükəsi ilə bağlı tədrisi dayandırılan bütün təhsil müəssisələrində çalışan işçilərə bu müddət ərzində əmək haqlarının ödənilməsi qaydasından danışarkən deyib.

"Bizim insanların əmək haqlarının vaxtı-vaxtında hesablanması və ödənilməsi hər zaman ölkə başçısı tərəfindən bütün qurumların qarşısında qoyulan ən ümdə məsələlərdəndir.

Ona görə də hesab edirəm ki, əmək haqlarının vaxtı-vaxtında hesablanması və ödənilməsi ilə bağlı heç bir problem olmayacaq. Həm hesablanacaq, həm də vaxtında ödəniləcək", - Təhsil naziri bildirib.