Yaxın 3 gün ərzində Azərbaycanda müşahidə olunacaq hava proqnozu açıqlanıb.

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktor müavini Gülşad Məmmədova Report-a bildirib ki, sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər ayrı-ayrı yerlərdə zəif duman, axşama doğru bəzi yerlərdə yağıntılığı olacağı gözlənilir. Şimal-qərb küləyinin güclənəcəyi ehtimal olunur. Havanın temperaturu gecə 3-5, gündüz 7-9 dərəcə isti olacaq.

Martın 9-da Bakıda və Abşeron yarımadasında buludlu hava şəraitinin üstünlük təşkil edəcəyi, arabir yağıntılı olacağı, axşama doğru tədricən kəsiləcəyi gözlənilir. Şimal küləyinin gündüz mülayimləşəcəyi ehtimal olunur. Havanın temperaturu gecə 1-3, gündüz 6-8 dərəcə isti olacaq.

Martın 8-də Azərbaycan rayonlarında hava şəraitinin əsasən yağmursuz keçəcəyi, gecə və səhər bəzi yerlərdə duman olacağı, əsasən şimal və şərq rayonlarında yağıntılı olacağı gözlənilir. Qərb küləyinin güclənəyi ehtimal olunur. Havanın temperaturunun gecə 0-5, gündüz 7-12 dərəcə isti, dağlarda gecə 3 dərəcə şaxtadan 2 dərəcəyədək isti, gündüz 4-9 dərəcə isti olacağı gözlənilir.

Martın 9-da bölgələrdə hava şəraitinin arabir yağıntılı olacağı, dağlıq və dağətəyi rayonlarda sulu qar, qar yağacağı proqnozlaşdırılır. Martın 10-u isə əsasən yağmursuz hava gözlənilir. Şərq küləyi əsəcək. Havanın temperaturunun martın 9-u gecə 0-3, gündüz 3-6 dərəcə isti, martın 10-da gecə 7-12 isti, dağlarda gecə 3-7 şaxta, gündüz 0-3 şaxta, 10-da isə 0-5 isti olacağı gözlənilir.