Türkiyə mediası karantin günlərində kişilər tərəfindən yaradılmış “Evdar Kişilər Klubu” səhifəsi barədə yazı dərc edib.

Axar.az xəbər verir ki, kişilərin yaratdığı Feysbuk klubuna üzv olanlar evdə karantin günlərində bişirdikləri yeməklər, gördükləri işlərlə bağlı şəkillər paylaşır, maraqlı məlumatlar yazırlar.

Türk mediası qeyd edib ki, pandemiya səbəbilə evdən çıxa bilməyən kişilər ev işlərinin təkcə qadınlara aid olmadığına diqqət çəkmək üçün belə bir qrup yaradıblar. Xəbərdə azərbaycanlı kişilərin çəkib paylaşdıqları yeməklərin fotoları, reseptləri də təqdim edilib.

Xatırladaq ki, “Evdar Kişilər Klubu”na üzvlər arasında tanınmış simalar da var.