7 may 2020-ci il tarixdə sosial şəbəkə istifadəçisi Rüfət Səfərov öz Fesysbuk səhifəsində həbs edilmiş İmişli Rayon İcra Hakimiyyətinin sabiq baçşısı Vilyam Hacıyev üçün Ədliyyə Nazirliyi Penitensiar xidmətinin Bakı İstintaq təcridxanasında imtiyazlı saxlanma şəraitinin yaradılması, onun oğlu tərəfindən qanunazidd olaraq qadağan olunmuş əşyaların atasına ötürülməsi haqqında həqiqətə uyğun olmayan məlumat verib. Onun bu yanlış məlumatı bəzi informasiya saytları tərəfindən dərc edilib.

Bu barədə Axar.az-a Penitensiar Xidmətdən məlumat verilib.

Bildirilib ki, belə bir hal baş verməyib və bu məlumat tamamilə böhtan xarakterlidir:

"Qeyd olunmalıdır ki, Rüfət Səfərov son zamanlar Penitensiar Xidmətin fəaliyyətinə kölgə salmaq məqsədilə reallıqdan tam uzaq və yalan məlumatlar yayır.

Bu şəxs bilməlidir ki, bu cür yalan və böhtan xarakterli yazılara görə qanunvericilikdə xüsusi məsuliyyət nəzərdə tutulmuşdur".