Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
6 Avqust 2020


Pandemiya internetə tələbatı nə qədər artırıb? - Nazirlik

Ana səhifə Toplum
12 Punto 14 Punto 16 Punto 18 Punto

Bir çox özəl və dövlət qurumlarının əməkdaşları pandemiya səbəbindən onlayn iş rejimində çalışırlar. Həmçinin təhsil müəssisələri və kursları da bu müddətdə onlayn fəaliyyətini davam etdirib. Bütün bunlar isə öz növbəsində ölkədə internetə qoşulmaların sayına təsir edib.

Maraqlıdır, ötən illə müqayisədə bu ilin müvafiq dövründə (ilk 6 ay) qoşulmaların faiz nisbəti necə dəyişib?

Məsələ ilə bağlı Axar.az-ın sorğusuna cavab olaraq Nəqliyyat Rabitə və Yüksək Texnologiya Nazirliyindən bildirilib ki, bu il internetdən istifadə nəzərəçarpacaq dərəcədə artıb.

"Nəqliyyat, Rabitə və Yüksək Texnologiyalar Nazirliyinin bütün qurumları, o cümlədən Aztelekom MMC və Bakı Telefon Rabitəsi MMC (Baktelecom) xüsusi karantin rejimi dövründə gücləndirilmiş rejimdə, növbəli iş prinsipi ilə fəaliyyət göstərməklə müvafiq xidmətlərin dayanıqlığının və keyfiyyətinin artırılması üçün fasiləsiz iş prosesi təşkil edib. Əhalinin böyük hissəsinin karantin rejimi dövründə evdə olması, işçilərin onlayn rejimdə fəaliyyət göstərməsi, dərslərin distant formatda keçirilməsi multimedia xidmətlərinə olan tələbatın nəzərəçarpacaq dərəcədə artmasına səbəb olub. Sözsüz ki, bu da öz növbəsində həm internet istifadəçilərinin sayının, həm də istifadə edilən internet trafikinin artımına gətirib çıxarır. 2020-ci ilin 6 ayı ərzində ötən ilin müvafiq dövrü ilə müqayisədə Bakı Telefon Rabitəsi MMC (Baktelecom) şəbəkəsi üzrə multimedia xidmətlərinə qoşulmada 32 faiz, Aztelekom MMC şəbəkəsi üzrə internet xidmətlərinə qoşulmada 15 faizədək artım qeydə alınıb", - nazirlikdən bildirilib.

Qeyd edilib ki, karantin müddətində müştərilərin artan telekommunikasiya xidmətlərinə olan tələblərinə cavab vermək üçün şəbəkə dayanıqlığının təmin olunması istiqamətində mütəmadi olaraq işlər aparılır:

"Yarana biləcək çətinliklərin operativ həll edilməsi üçün növbətçi qrupların iş rejimi gücləndirilib, əlavə resurslar ayrılıb. Günün 24 saatı şəbəkəyə nəzarət edilir, xidmətlərin respublika üzrə dayanmaması üçün magistral xətlər daim diqqətdə saxlanılır. Müştərilərə kəsintisiz və keyfiyyətli internet xidməti göstərilməklə yanaşı, xidmətlərə yeni qoşulmaq istəyənlər üçün bütün imkanlar yaradılır".

Tarix
2020.07.02 / 13:21
Müəllif
Nərmin Əkbərli
Şərhlər
Digər xəbərlər

Vəzifəli şəxsin saxta arayışlar verdiyi aşkarlandı

Koronaya yoluxanların sayı kəskin azaldı - Rəsmi

Bakıda park yandı

Rəhimov daha bir gəncə vəzifə verdi

Ən kritik ssenariyə hazır olmalıyıq - Prezident

MM-də müzakirə: Bu kafe və restoranlar açılsın - Video

Bakı-Naxçıvan aviareysinə bilet satışı qaydası dəyişdi

Bakı-Sumqayıt qatarlarının hərəkəti dayandırılır

Karantin cəriməsini ödəməyənlər bu işlərə cəlb oluna bilər

Gəncədə Milli Qəhrəmanın ailəsinə mənzil verildi

KULT
<>
Xəbər xətti
 
  
  
  
  
yatsan
Axar.az'da reklam Bağla
Reklam
Bize yazin Bağla