Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
15 Avqust 2020


Yanğında 2 nəfər öldü, cinayət işi açıldı - Nazirlikdən çağırış

Ana səhifə Toplum
12 Punto 14 Punto 16 Punto 18 Punto

11:45

İyulun 31-də saat 12 radələrində Siyəzən rayonunun Sədan kəndi yaxınlığında baş vermiş yanğın nəticəsində 1959-cu il təvəllüdlü Nizami Qanbayev və 1970-ci il təvəllüdlü Cahangir Zeynalovun ölmələri barədə məlumat daxil olub.

Siyəzən rayon Prokurorluğundan Axar.az-a verilən məlumata görə, hadisə yerinə prokurorluq, polis, Fövqəladə Hallar Nazirliyinin əməkdaşları, Ədliyyə Nazirliyinin Məhkəmə Ekspertizası Mərkəzinin eksperti və hal şahidlərinin iştirakları ilə baxış keçirilib.

Faktla bağlı Siyəzən rayon prokurorluğunda Cinayət Məcəlləsinin 314.3-cü (səhlənkarlıq, ehtiyatsızlıqdan iki və daha çox şəxsin ölümünə səbəb olduqda) maddəsi ilə cinayət işi başlanıb.

İş üzrə məhkəmə-tibb, məhkəmə-yanğın ekspertizaları təyin olunub, şahidlər dindirilib və digər zəruri prosessual hərəkətlər yerinə yetirilib.

Hazırda cinayət işi üzrə tam, hərtərəfli və obyektiv istintaq aparılmaqla təqsirli şəxslərin dairəsinin müəyyən edilərək məsuliyyətə cəlb olunmaları istiqamətində zəruri istintaq-əməliyyat tədbirləri davam etdirilir.

***

Xəbər verildiyi kimi 31 iyul tarixində Siyəzən rayonunun Sədan kəndi yaxınlığında ehtiyatsızlıq səbəbindən fermada baş verən və sonradan güclü külək nəticəsində böyük ərazini əhatə edən yanğın FHN-nin və ETSN-nin əməkdaşlarının səyi nəticəsində söndürülüb, meşə ərazisinə keçməsinin qarşısı alınıb.

Ekologiya və Təbii Sərvətlər Nazirliyinin mətbuat xidmətindən verilən məlumata görə, təəssüf ki, yanğın zamanı biri Siyəzən meşəbəyliyinin meşə gözətçisi olmaqla, Sədan kəndinin iki sakini həyatını itirib.

"Yanğında həyatlarını itirənlərin ailələrinə və yaxınlarına başsağlığı verir, səbir diləyirik və
bir daha vətəndaşlara müraciət edirik ki, kimlərinsə ehtiyatsızlığı, etinasızlığı ucbatından yaranan yanğın hadisələrinin nə qədər ağır nəticələrə səbəb olmasını nəzərə alsınlar, ağır fəsadlara şərait yaradan yanğınların baş verməməsi üçün maksimum dərəcədə ehtiyatlı olsunlar", - deyə xəbərdə bildirilir.

Tarix
2020.08.01 / 18:31
Müəllif
Axar.az
Şərhlər
Digər xəbərlər

Gəncədə 100 kiloqrama yaxın çətənə kolu məhv edildi

Övladına “Dilənçi”, “Xoruz” adı qoyanlar... - Sosioloq

Abşeronda gizli işləyən restoran aşkarlandı

Bakıda 550 küçə dezinfeksiya edildi

Ölkəmizdə yoluxma sayı azaldı - Son rəqəm

Bakıda evdən 40 min dollarlıq oğurluq edildi

Qadağa davam edir: Dövlətə dəstək olmalıyıq - QMİ

Hacıyev KİV DF rəhbərliyi ilə görüşür: Ev bölgüsü...

Ermənilərin Kəlbəcərdə tikdiyi yeni evlərin - Görüntüləri

Mingəçevirdə evini tərk edən korona xəstəsi tutuldu

KULT
<>
Xəbər xətti
 
  
  
  
  
yatsan
Axar.az'da reklam Bağla
Reklam
Bize yazin Bağla