Avropa Oyunları ilə əlaqədar "London taksiləri"nə sürücü axtarılır.

Axar.az-ın müxbirinin verdiyi məlumata görə, bu məqsədlə ictimai nəqliyyatda "Bakı 2015" loqosu ilə olan elanlar vurulub. Marşrutlarda rast gəlinən bu elanlar Nəqliyyat Nazirliyi Dövlət Avtomobil Xidməti Tədris Kursu Kombinatı tərəfindən yerləşdirilib.

Avropa Oyunları ərəfəsində paytaxta daha 200 ədəd "London taksisi" gətirilib. Əlavə 300 taksi də yaxın vaxtlarda Bakıya çatdırılacaq. Həmçinin sərnişindaşıma fəaliyyəti ilə məşğul olan "Xalq Faiqoğlu" MMC tərəfindən 300 sərnişin avtobusu da sifariş edilib. Onlardan 50-si artıq Bakıdadır və marşrutlara buraxılır.