Azərbaycan Hava Yolları QSC (AZAL) Bakı-Naxçıvan, Naxçıvan-Bakı aviaresylərinə bilet satışı prosesini asanlaşdırıb.

Bu barədə Axar.az-a AZAL-dan məlumat verilib.

“Tələbatın çox olması səbəbindən aviaşirkətin bu istiqamət üzrə uçuşlarına aviabilet satışı növbə əsasında həyata keçirilir. Növbəyə yazılmaq üçün çağrı mərkəzimizlə əlaqə saxlamaq və sərnişinlərin sənədlərini saytımızdakı əks əlaqə forması və yaxud aşağıda qeyd olunan Votsap nömrələri vasitəsilə yazılı şəkildə göndərmək lazımdır”, - məlumatda deyilir.⠀

Bakı-Naxçıvan uçuşları üçün: +994 55 204 65 54 (onlayn forma)

Naxçıvan-Bakı reysləri üçün: +994 60 487 30 11 (onlayn forma)

Azərbaycan Hava Yolları nəzərə çatdırıb ki, sözügedən uçuşlarla bağlı çağrı mərkəzlərinə telefonla müraciət etməy ehtiyac yoxdur.

Daha ətraflı məlumatı video təlimatdan əldə etmək olar.