Azərbaycanda əmək pensiyası alan şəxslərin sayı 1 292 040 nəfər təşkil edir.

Dövlət Sosial Müdafiə Fondundan Axar.az-a verilən məlumata görə, yaşa görə əmək pensiyası alanların sayı 783 381 (ümumi pensiyaçıların 60,6 faizi), əlilliyə görə əmək pensiyası alanların sayı 367 489 (28,5 faiz), ailə başçısını itirməyə görə əmək pensiyası alanların sayı isə 141 170 (10,9 faiz) nəfərdir.

2006-cı ilin 1 yanvar tarixinə əmək pensiyalarının orta aylıq məbləği 29,8 manat təşkil edirdisə, 2015-ci ilin 1 aprel tarixinə 174,4 manat olub.

Hazırda yaşa görə əmək pensiyasının orta aylıq məbləği 193,9 manat, əlilliyə görə əmək pensiyasının orta aylıq məbləği 149,6 manat, ailə başçısını itirməyə görə əmək pensiyasının orta aylıq məbləği isə 131,2 manat təşkil edir.