İraq şiələrinin lideri Ayətullah Sistani peyğəmbərin xanımı Həzrəti Ayişəni təhqir edən şiələri günahkar və münafiq elan etməsi ilə bağlı ötən il yayılan və az öncə yenidən gündəmə gələn məlumatı təkzib edib.

Axar.az xəbər verir ki, Sistani Həzrəti Ayişəyə həqarətli yanaşmanın qəbuledilməz olduğu barədə fikrini bir daha səsləndirib:

"Bu iş olduqca pis və qəbuledilməzdir. Əhli-beyt imamlarının əmrinə xilafdır. Hidayət edən Allahdır".

Xatırladaq ki, ötən il Türkiyə mətbuatında Sistaninin peyğəmbərin xanımı Həzrəti Ayişəni təhqir edən şiələri günahkar və münafiq elan etməsi ilə bağlı xəbər yayılmışdı. Məlumata görə, Sistani peyğəmbərin pak zövcəsi Ayişə və digər 3 xəlifəni təhqir edənlərin şiə görünüşlü sionist, Azamiyə yaxınlığında edilən çirkin hərəkətin qəbuledilməz bir hərəkət olduğunu bildirib.