Bu gün Ekologiya və Təbii Sərvətlər naziri Hüseyn Bağırov Qazaxda vətəndaşlarla görüşüb.

Nazirlikdən Axar.az-a verilən məlumata görə, nazir Qafqaz Olimpiya Kompleksində Qazax, Tovuz, Ağstafa və Şəmkir rayonlarında yaşayan vətəndaşları qəbul edib.

Qəbulda ətraf mühitin mühafizəsi, meşələrin qorunması, biomüxtəliflik, hidrometeorologiya, geologiya, ətraf mühitin monitorinqi və s. məsələlərlə bağlı 50-yə yaxın vətəndaşın şikayət və təklifləri dinlənilib, müraciətlərinə baxılıb.

Nazir qəbula yazılmış vətəndaşların müraciət, şikayət və təkliflərini diqqətlə dinləyərək onların narazılığına səbəb olan halların aradan qaldırılması barədə müvafiq aidiyyəti qurumların rəhbərlərinə tapşırıqlar verib.