Tələbə Qəbulu üzrə Dövlət Komissiyası (TQDK) "Abituriyent" jurnalının 11-ci sayını 600 və daha çox bal toplamış abituriyentlərə həsr edəcək.

Axar.az TQDK-nın rəsmi saytına istinadən xəbər verir ki, bu il qəbul imtahanında 600 və daha çox bal toplayan abituriyentlərdən http://abiturient.az/600bal/ linkində təqdim olunmuş anket sorğusunu doldurmaq xahiş olunur.

Hər il jurnalda prezident təqaüdçüləri, onların bitirdikləri məktəblər üzrə siyahı dərc olunur.

Jurnalda ən yüksək nəticə göstərmiş gənclərlə müsahibələr, hər bir yüksək nəticəli abituriyentin topladığı bal, qəbul olduğu ixtisas, bitirdiyi məktəb və s. haqda məlumatlar təqdim olunur.

Jurnalda həmçinin 600-dən yuxarı bal toplamış gənclərlə aparılmış anket sorğusunun nəticələri, onların arzu, rəy, təklif və gələcək abituriyentlərə tövsiyələrindən nümunələr də dərc edilir.