Azərbaycanın rus sülhməramlılarının müvəqqəti məsuliyyət zonasında olan Xankəndi şəhərində baş verən davanın təfərrüatı açıqlanıb.

Axar.az xəbər verir ki, sosial şəbəkələrdə keçmiş “müdafiə naziri” Samvel Babayanın oğlunun öz dostları ilə siyasi aktivist Artur Osipyanı döydüyü haqda məlumat yayılıb. Bildirilib ki, qondarma qurumun “polisi” insidentlə bağlı heç bir addım atmır və baş separatçı Araik Arutyunyanın “qərarını” gözləyirlər.

Bu məlumatdan sonra “polis” elan edib ki, 23 yanvar, saat 18:55 radələrində doğrudan da belə bir insident barədə məlumat daxil olub. Hadisə yerinə gedən “polislər” insident iştirakçıları ilə görüşüblər, ancaq onlardan heç biri polisə ərizə vermək və şahid olmaq istəməyib. Bu səbəbdən də “araşdırılma” aparılmayıb.