Milli Televiziya və Radio Şurası yeni mövsümün başlaması ilə əlaqədar telekanallara tapşırıq verib.

Axar.az xəbər verir ki, bu barədə MTRŞ-nın aparat rəhbəri Toğrul Məmmədov bildirib.

T.Məmmədov mövqe.az-a açıqlamasında deyib ki, yeni mövsümdən telekanallar MTRŞ-nın proqram tələblərini nəzərə almalıdır: "Aparıcıların peşəkarlıq səviyyəsinin aşağı olması ilə bağlı MTRŞ tərəfindən mütəmadi olaraq telekanallara xəbərdarlıq edilib.

Şuranın bu tələbinə məhəl qoymayan telekanallara qarşı qanunvericiliyə uyğun şəkildə tədbir görüləcək. Bəzi telekanallar proqram siyasətini dəyişməli, efirdə şou xarakterli verilişlərə az yer ayırmalıdır".

T. Məmmədov yeni mövsümdən telekanallarda monitorinqlərin keçiriləcəyini, efirə ciddi nəzarət edilcəyini söyləyib.