18:43

Azərbaycanın İrandakı səfirliyinin əməkdaşları Bakıya gətirilir.

Axar.az-ın məlumatına görə, şəhid Orxan Əsgərovun cənazəsi də ölkəyə gətirilir.

Qeyd edək ki, 27 yanvar 2023-cü il tarixində Bakı vaxtı ilə səhər saat 8:30 radələrində Azərbaycan Respublikasının İran İslam Respublikasındakı səfirliyinə terror hücumu olub. Hücum edən şəxs avtomat silahla mühafizə postunu yararaq, mühafizə xidmətinin rəisini qətlə yetirib. Səfirliyin iki nəfər mühafizə əməkdaşı da hücumun qarşısını alarkən yaralanıblar. Hazırda hadisənin istintaqı aparılır.

***

Azərbaycanın İrandakı səfirliyinin əməkdaşlarını Bakıya gətirməli olan təyyarənin uçuş vaxtı 22:00-a qədər təxirə salınıb.

Məlumata görə, buna səbəb İran tərəfinin tələbi olub.

***

Azərbaycan diplomatlarını və Orxan Əsgərovun cənazəsini Bakıya gətirən təyyarə artıq Tehrandan havaya qalxıb.

Yaxın saatlarda təyyarənin Heydər Əliyev Hava Limanına enməsi gözlənilir.

***

Bu dəqiqələrdə İrandan diplomatlarımızı və şəhid Orxan Əsgərovun cənazəsini gətirən təyyarə Heydər Əliyev Beynəlxalq Hava Limanına eniş edib.

***

Azərbaycanın İrandakı səfirliyinə edilən terror hücumu nəticəsində şəhid olan baş leytenant Orxan Əsgərovun cənazəsi Təzə Pir məscidinə gətirilib.