Əslində, belə halların olması çox təbiidir.

Axar.az xəbər verir ki, bu sözləri Milli Televiziya və Radio Şurasının Ekspertiza, Proqramlaşdırma və Analitik şöbəsinin müdiri Təvəkkül Dadaşov Günay Musayevanın "Bu stil mənim" verilişində Türkiyə türkcəsində danışması ilə bağlı deyib. O, bu məsələnin ciddi bir problem olmadığını bildirib:

"Milli Televiziya və Radio Şurası (MTRŞ) tərəfindən dövlət dili ilə bağlı xüsusi qaydalar tətbiq edilib. Əsas tələblər aparıcıların dili ilə bağlıdır və iştirakçıların hansı dildə danışmasından asılı olmayaraq, aparıcılar dövlət dilində danışmalıdırlar. Düzdür, bu o demək deyil ki, hansısa verilişin iştirakçısı ingilis dilində danışmalıdır.

Televiziyalarımızda rus və ingilis dilində danışmaq halları olur, amma tərcümə edilir. Günay Musayevanın Türkiyə türkcəsində danışmasında elə bir ciddi problem yoxdur. Çünki xanım uzun müddətdir ki, Türkiyədə yaşayır və maksimum şəkildə Azərbaycan dilində danışmağa çalışır".

Xatırladaq ki, Günay Musayevanın münsif olduğu "Bu stil mənim" verilişində Türkiyə türkcəsində danışması sosial şəbəkədə böyük etiraza səbəb olub.