Xətai RPİ 36-cı PB əməkdaşlarının keçirdiyi əməliyyat-axtarış tədbirləri nəticəsində, fevralın 12-nə keçən gecə C.Kərimov küçəsində Elşən Rəfiyevə məxsus mağazadan tütün məmulatları oğurlamaqda şübhəli bilinən dəstə saxlanılıb.

Axar.az xəbər verir ki, onlar Bakı şəhər sakinləri - 1987-ci il təvəllüdlü Faiq Mikayılov, 1985-ci il təvəllüdlü Namiq Qurbanov, 1991-ci il təvəllüdlü Anar Kərimov, Sumqayıt şəhər sakinləri - 1988-ci il təvəllüdlü Telman Əhmədov, 1990-cı il təvəllüdlü Nizami Bayramov, 1991-ci il təvəllüdlü Yaqub Qəniyev və əvvəllər məhkum olunan Məhəbbət Əhmədovdur.

Müəyyən edilib ki, onlar fevralın 12-nə keçən gecə Zığ yolu küçəsində Şahmalı Əlizadəyə məxsus mağazadan 740 manat, planşet və ərzaq malları oğurlayıblar.

Faktla bağlı araşdırma aparılır.