Fevralın 13-də Bakıda qardaşı 1990-cı il təvəllüdlü Sabir Qurbanov tərəfindən bıçaqlanan 1987-ci il təvəllüdlü Yelena Qurbanova ondan şikayətçi olmadığını bildirib.

Axar.az-ın əldə etdiyi məlumata görə, paytaxtın Binəqədi rayonunun Biləcəri qəsəbəsində qeydə alınan bıçaqlanma hadisəsində xəsarət alan Yelenanın vəziyyəti hazırda yaxşıdır.

Məlumata görə, o, bir neçə gün bundan öncə məişət zəminində qardaşı ilə mübahisə etdiyi üçün bıçaqlanıb.

Xatırladaq ki, Sabir Rüstəmoviç Biləcəri qəsəbəsində vətəndaşlara taksi xidməti göstərməklə məşğuldur.

Faktla bağlı Binəqədi Rayon Prokurorluğunda Cinayət Məcəlləsinin 126.1-ci maddəsi üzrə cinayət işi açılıb.