Bu gün Bakı Ağır Cinayətlər Məhkəməsində xarici vətəndaşları soyan Bakı şəhər sakini 1996-cı il təvəllüdlü Namaz Bəkirovun cinayət işi üzrə məhkəmə prosesi başa çatıb.

Axar.az xəbər verir ki, hakim Tamella Nəsrullayevanın sədrliyi ilə keçirilən prosesdə dövlət ittihamçısı çıxışı zamanı Namaz Bəkirovun 7 il 6 ay müddətə azadlıqdan məhrum edilməsini istəsə də, hakimlər kollegiyasının hökmünə əsasən, Namaz Bəkirov 6 il 6 ay müddətə azadılıqdan məhrum edilib.

Qeyd edək ki, Bakıda keçirilən I Avropa Oyunları zamanı 17 yaşlı Namaz Bəkirov Bakıda əməliyyat komitəsinin əməkdaşları olan Avstraliya və Böyük Britaniya vətəndaşlarına qarşı quldurluq edib. Onların birindən 650, digərindənsə 150 AZN pulunu alıb.