Dini Qurumlarla İş üzrə Dövlət Komitəsinin dəstəyi ilə cəbhə bölgəsində tədbir keçirilib.

Komitədən Axar.az-a verilən məlumata görə, fevralın 19-da Ağdam rayon Xındırıstan kənd məscidi dini icmasında "Qəhrəmanlar unudulmur!" adlı layihə çərçivəsində növbəti tədbir keçirilib.

Tədbirdə komitənin Ağcabədi bölgəsi üzrə şöbənin əməkdaşları Vüqar Kərimov, Cavid Məlikzadə, Ağdam rayon İcra Hakimiyyəti başçısı aparatının İctimai-siyasi və humanitar məsələlər şöbəsi müdirinin müavini-dini qurumlarla işin təşkilatçısı Mehman Mustafayev, Xındırıstan kənd məscidi dini icmasının sədri Barat Bağırov, şəhid ailələri, icma üzvləri, dindarlar və ziyalılar iştirak ediblər.

Tədbiri giriş sözü ilə açan Ağdam rayonu Xındırıstan kənd məscidi dini icmasının sədri Barat Bağırov dini icmalara ayrılmış maliyyə yardımının əhəmiyyətini yüksək qitmətləndirib.

Rayonun İcra Hakimiyyəti başçısı aparatının İctimai-siyasi və humanitar məsələlər şöbəsi müdir müavini, dini qurumlarla işin təşkilatçısı Mehman Mustafayev isə rayondakı dini durum barədə məlumat verib. O, ərazisinin böyük bir hissəsi erməni işğalı altında olan Ağdamın Qarabağ müharibəsi zamanı 10 minə yaxın şəhid verdiyini qeyd edib.