13:39

Azərbaycanda gənc idmançı dünyasını dəyişib.

Musavat.com xəbər verir ki, kikboks üzrə ikiqat Azərbaycan çempionu Elmir Cəlilov vəfat edib.

Bu barədə deputat, Azərbaycan Kikboksinq Federasiyasının prezidenti Adil Əliyev Feysbukda yazıb. O, gənc idmançının ölümünün səbəbini açıqlamayıb.

Azərbaycan Kikboksinq Federasiyası mərhum idmançının ailəsinə başsağlığı verib.

Qeyd edək ki, APA-nın yaydığı məlumatda 32 yaşlı idmançı Elmir Cəlilovun Gəncədə, Əttarlar küçəsində, "Kəpəz" mehmanxanasının qarşısında öz avtomobilində güllələndiyi bildirilir.

Qətlin hansı səbəbdən, hansı şəraitdə törədilməsi bəlli deyil. Qatillərin tutulması istiqamətində istintaq tədbirləri aparılır.

E.Cəlilovun 2 övladı var.

***

Fevralın 20-də axşam saatlarında şəhər sakini, 1984-cü il təvəllüdlü Elmir Cəlilovu odlu silahla qətlə yetirən 1984-cü il təvəllüdlü Anar Tağıyev tutulub.

APA-nın verdiyi məlumata görə, o, hazırda hüquq mühafizə orqanlarının əməkdaşları tərəfindən dindirilir.