M10 tətbiqi istifadəçiləri üçün bəzi əməliyyatlar üzrə yeni tariflər qüvvəyə minəcək.

Axar.az xəbər verir ki, bu barədə M10 öz istifadəçilərinə məlumat göndərib.

Bildirilib ki, yeni tariflər mart ayından tətbiq olunacaq.

Belə ki, digər M10 hesabına köçürmələr və M10 hesabından karta köçürmələr üçün aylıq 5000 manatadək əməliyyatlar komissiyasız olacaq. Bu limiti keçdikdən sonra isə istifadəçilər 0.5% komissiya ödəməli olacaqlar.

QR kod vasitəsilə nağdlaşdırma əməliyyatlarında isə 1% komissiya tətbiq ediləcək və minimum məbləğ 1 manat olacaq.

M10 hesabının artırılması əvvəlki kimi komissiyasız qalacaq.