Tibbi Ərazi Bölmələrini İdarəetmə Birliyi (TƏBİB) tərəfindən həyata keçirilən “Evimə yaxın iş” layihəsi çərçivəsində ilkin səhiyyə xidməti göstərən tibb işçilərinə faktiki yaşayış ünvanlarına yaxın tibb müəssisələrində işləmək imkanı yaradılıb. Bu modelin təhsil sektorunda, xüsusilə ümumitəhsil müəssisələrində çalışan müəllimlər üçün də tətbiq olunub-olunmayacağı maraq doğurur.

Mövzu ilə bağlı Təhsil Nazirliyindən Axar.az-a bildirilib ki, müəllimlərin işə qəbulu və yerdəyişməsi zamanı onlar topladıqları bala uyğun olaraq yaşayış yerlərinə yaxın ümumi təhsil müəssisələrini seçə bilirlər.

Qeyd edək ki, hazırda müəllimlərin işə qəbulu və yerdəyişməsi prosesləri müsabiqə qaydalarına əsasən həyata keçirilir. Bu mexanizmin daha da təkmilləşdirilib-təkmilləşdirilməyəcəyi isə gələcəkdə məlum olacaq.