İntihara cəhd edən qazi, şair Həsən Kürün (Zeynallı) vəziyyətində irəliləyiş var.

Axar.az xəbər verir ki, bu barədə yazıçı Azad Qaradərəli məlumat verib.

"Bu gün qazi, şair Həsən Kürü Sabunçu xəstəxanasında ziyarət etdim. Şükür! Səhhətində xeyli irəliləyiş var. Amma hələ də ciddi müalicələr almalıdır. İnanıram ki, onu dövlət rəsmiləri yalqız qoymayacaqlar", - o bildirib.

Qeyd edək ki, Həsən Kür fevralın 22-də intihara cəhd edib. Belə ki, o, "Sevinc Moll" ticarət mərkəzinin 3-cü mərtəbəsindən özünü atıb. Həmin gün 19:10 radələrində müştərək travma diaqnozu ilə Sabunçu Tibb Mərkəzinə hospitalizasiya olunub. Qapalı kəllə-beyin travması, sol bud sümüyünün qapalı sınığı, kəllə sümüyünün sınığı diaqnozu ilə ona zəruri tibbi yardımlar göstərilib.

Hazırda şairin 3 saylı Şəhər Klinik Xəstəxanasında (Sabunçu xəstəxanası) müalicəsi davam etdirilir.