Bu gün Dövlət İmtahan Mərkəzi I və IV ixtisas qrupları üzrə, həmçinin III qrupun DT və TC altqruplarını seçənlər üçün coğrafiya fənnindən qəbul imtahanı keçirib.

Axar.az xəbər verir ki, ilkin nəticələrə əsasən, imtahan binasına giriş zamanı aparılan yoxlamalar zamanı 3 nəfərin üzərində gizlədilmiş mobil telefon aşkar edilib və onlar imtahana buraxılmayıblar.

Həmçinin, imtahan zalında daha 3 nəfərin mobil telefonla qaydaları pozduğu müəyyən edilib və həmin şəxslər imtahandan uzaqlaşdırılıb.

Bundan başqa, bir nəzarətçi imtahan zamanı köçürməyə şərait yaratdığı üçün prosesdən kənarlaşdırılıb. Hazırda baş verən hadisələrlə bağlı araşdırma aparılır.