Sumqayıt sakini Zaur Rəcəbov "Atəşgah" sığorta şirkətindən narazıdır.

Axar.az xəbər verir ki, iyulun 28-də VAZ-2106 markalı, 10 RM 376 dövlət qeydiyyat nişanlı avtomobili "Mersedes" markalı, 31 BE 453 dövlət nömrə nişanlı avtomobil tərəfindən vurulub.

Avtosfer.az-a müraciət edən Z.Rəcəbov bildirib ki, maşın yarasız hala salınıb: "Bu barədə dərhal dövlət yol polisinə məlumat verilib və "Mersedes" markalı avtomaşının sürücüsü təqsirkar bilinib. Həmin avtomobil "Atəşgah" sığorta tərəfində icbari sığortalanıb. 3 həftədən sonra sənədlər həmin sığorta şirkətinə göndərilib. Sənədlər sığorta şirkətinə verildikdən sonra mənə zəng gəldi və bildirdilər ki, avtomobilimə 700 manat məbləğində ziyan dəyib. Lakin "Atəşgah" sığortadan heç bir əməkdaş maşına baxış keçirməyib".