Axar.az
Yuxarı

Sürət qutusu problemini necə həll etməli? - Məsləhət

Ana səhifə Avto
12 Punto 14 Punto 16 Punto 18 Punto

Sürət qutusundan səs gəlirsə və ya başqa bir problem hiss edilirsə, bu problemi yağ dəyişməklə aradan qaldırmaq olmur.

Bu sözləri avtomobil mütəxəssisi Şahin Qasımov sürücülərin avtomat sürət qutusunda qarşılaşdıqları problemlərlə bağlı Axar.az-a danışarkən deyib. Mütəxəsis qeyd edib ki, avtomatik sürət qutusu ilə təchiz olunan avtomobillərə komfortlu olması səbəbindən sürücülər daha çox üstünlük verirlər, ona görə də son illər demək olar ki, bütün maşınlar avtomatik sürət qutusu ilə təchiz edilir:

"Lakin bu tip sürət qutusu idarəetməni rahatlaşdırmasına rəğmən, avtomobilin xərclərini də artırır. Bir çox sürücü isə idarə etdiyi avtomobilin yeni sürət qutusunun 7000 manatdan baha olduğunu bilmir.

Avtomatik sürət qutusunda yaranan problem, xidmət və istifadə qaydaları ilə bağlı sürücülər tərəfindən müraciətlər olur. Sürücülərə bu problemlərə diqqət etməlidir:

Avtomat sürət qutusunun ömrü

Adətən bəzi sürücülər idarə etdikləri avtomobildə olan avtomatik sürət qutusunun onlara ömürlük xidmət edəcəyini düşünür. Bu, qətiyyən belə deyil. Sürət qutusunun 250-300 min km yürüş aralığında ilkin təmirə ehtiyacı yaranır. Bu göstərici isə həmin müddətə qədər düzgün xidmət göstərilən avtomobillərə şamil olunur.

Sürət qutusundan gələn səs

Bəzən ustalar avtomatik sürət qutusundan səs gəlməsi probleminin həllini sürət qutusunun yağının dəyişməsində görür. Ancaq bu, belə deyil. Sürət qutusundan səs gəlirsə və ya başqa bir problem hiss edilirsə, bu, yağ dəyişməklə düzəlmir. Adətən belə hallarda sürücü əlavə xərclərlə qarşılaşır. Sürət qutusunun yağı mühərrik yağı qədər ucuz deyil.

Yağın dəyişdirilməsi

Yağın dəyişdirilməsində sürücüləri çaşdıran bir neçə məqam var. Burada ilk növbədə yağın verdiyi kilometraj, sürət qutusu istehsalçısının tövsiyə etdiyi interval və sürət qutusunun vəziyyəti nəzərə alınmalıdır. Mən ümumiləşdirilmiş formada yağın 30 min km-dən bir dəyişdirilməsini məsləhət görürəm.

Soyuq aylarda yaranan problem

Avtomobil isti hava şəraitində soyuq vaxtdan daha düzgün çalışır. Adətən avtomobilin problemləri də qış aylarında – soyuq vaxtlarda üzə çıxır. Avtomobil - istər yeni olsun, istər köhnə - əgər havanın temperaturu 0 dərəcəyə yaxındırsa, mühərrik işə salınandan sonra temperaturun 50-yə çatmağını gözləmək lazımdır. Bunun səbəbi isə sürət qutusunun mühərrikdən daha gec qızmasıdır. Belə hava şəraitində avtomobili işə salan kimi hərəkət etmək kobud şəkildə desək, mühərrikə 1, sürət qutusuna 5 ziyan vurur.

İşlənmiş avtomobillərdə sürət qutusu problemi

Çox adam ucuz, işlənmiş və avtomat sürət qutusu olan avtomobil almağa üstünlük verir. Həmin insanlar özlərinə əlavə xərc yaratdığını bilmir. Nəzərə almaq lazımdır ki, avtomobilin istismar ömrü (ilk təmirə gedəcək vaxt) 10-12 ildir. Bu illər arası avtomobil alan şəxslər sürət qutusunun hər an sıradan çıxma ehtimalının olduğunu unutmamalıdır. 10-12 yaş aralığında avtomobil almaq istəyən şəxslərin mexaniki sürət qutusuna üstünlük vermələri daha yaxşıdır.

Ötürmələrdə səs və idarəetmə tempi

Sürücülər adətən avtomobildə yüngül səs, boğulma və sürət qutusunun dəyişməsinin gecikməsindən şikayətlənir. Bu problem əksər hallarda köhnə avtomobillərdə baş verir. Bunun səbəbi sürət qutusunun xarab olması yox, ondan düzgün istifadə edilməməsidir. Belə hallar yanlış idarəetmə və mühərrikin zamanında lazımi gücü əldə edə bilməməsindən irəli gəlir. Bu cür problemlə qarşılaşan zaman mümkün qədər sürəti asta şəkildə yığmaq lazımdır.

Düzgün istifadə

Avtomatik sürət qutusu nisbətən sakit istifadə üçün nəzərdə tutulur. Yəni avtomobili yüksək qazla, ani sürət endirilməsi və artırılması ilə idarə etmək olmaz. Sürət qutusunda yaranan problemlərin bir çoxu məhz bu cür yanlış istifadədən qaynaqlanır".

Tarix
2015.11.22 / 11:55
Müəllif
Natiq Azəri
Şərhlər
Digər xəbərlər

Ən çox satılan mobil telefonların adı açıqlandı

DYP-dən teleseriallarla bağlı müraciət

Yeni qanun: yalnız bu şüşələrə plyonka çəkilə bilər

Bu maşınlara görə yol vergisi tutulacaq

Şüşələrə plyonkaların çəkilməsi qaydası... - Qərar

Azərbaycanda nadir maşın: 1,5 milyona satılır - Video

Bu avtomobillərə görə 3 il vergi ödənilməyəcək

Şirkətlər bu avtomobilləri sığortalamaqdan imtina edir

DYP sürücülərə müraciət etdi: Ehtiyatlı olun!

2022-ci ilin 5 ən yaxşı smartfonu - Siyahı

KULT
Xəbər xətti
Axar.az'da reklam Bağla
Reklam
Bize yazin Bağla