Axar.az
Yuxarı

Axar.Az Logo

Vahabzadənin Əkrəm Əylisli haqda nadir - Videosu

Ana səhifə Kult Ədəbiyyat
12 Punto 14 Punto 16 Punto 18 Punto

Feysbuk sosial şəbəkəsində "Poeziya dəftəri" səhifəsi xalq şairi Bəxtiyar Vahabzadənin ömrünün son illərində çəkilmiş videosunu paylaşıb.

Axar.az xəbər verir ki, videoda Vahabzadənin ətrafındakı adamlarla Əkrəm Əylisli haqda söhbət etdiyi görünür.

Müzakirədə iştirak edən şəxslərdən biri Əkrəm Əylislinin bir vaxtlar Bəxtiyar Vahabzadə haqda xoşagəlməz ifadələr işlətdiyini və bu əməlinin cavabını aldığını deyir.

Qeyd edək ki, xalq şairi Bəxtiyar Vahabzadə illər əvvəl Əkrəm Əylisliyə şeir həsr edib. "Axtarırsan" adlı şeir 1998-ci ildə "Bozqurd" qəzetində dərc olunub.

AXTARIRSAN

Öz gözündə tiri görməyən gəda,

Özgənin gözündə qıl axtarırsan.

Köhnə şakərindir, bulandırmağa

Hər gün, hər ay yeni göl axtarırsan.

Qələmin korlaşıb düşmüsən dərdə,

Hörmətin qalmayıb sənin heç yerdə.

Dölsüz olduğunu bildin nəsrdə,

İndi də "şeirdə" döl axtarırsan?

Bir zaman vətəni Aşota satdın,

Ürək bulandırdın, könül qanatdın.

Palıda, çinara sən çirkab atdın,

İndi gizlənməyə kol axtarırsan!

Qəlbin daş, ağlın da bir ovuc peyin

Döş-döşə gəlməyə qalmayıb heyin

Baxıb ayağına ölmüş eşşəyin,

Kürdənə vurmağa nal axtarırsan.

İçində zülmətdir, səhər bilirsən,

Qatırsan, özünü kəhər bilirsən,

Köhnə palanını yəhər bilirsən,

Belinə salmağa çul axtarırsan.

Özgənin uğuru səni yandırır,

Həsədin kinini qıcıqlandırır.

Özünün yalını bal adlandırır,

Özgənin balında yal axtarırsan.

Bir üzü gəlinsən, bir üzü arvad,

Kommunist, AXC, sonra Müsavat.

Ordan da çıxmısan, ay evi bərbad,

İndi də Daşnaka yol axtarırsan.

Tarix
2016.10.04 / 10:00
Müəllif
Axar.az
Şərhlər
Digər xəbərlər

Kamal Abdullanın bu romanı Almaniyada çap olundu

"Orxan Pamukun evində” - Yeni kitab

Cavid Zeynallının romanı ikinci dəfə nəşr olundu

Mərkəzdən erməni yalanlarına möhtəşəm cavab - Foto

“Sabir Rüstəmxanlı üçün yaz” müsabiqəsi elan edildi

Dedim Musa, süz, düzələk... - Sabir Rüstəmxanlı

İran səfiri Abşerondakı kitab aksiyasına qoşuldu

İran dövlət televiziyasında türk şairi təhqir olundu

Firəngiz Rüstəmovanın yeni kitabları təqdim edildi

Aida Eyvazlı Göytürkün bu kitabı yenidən işıq üzü gördü

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla